ŌRĀTIŌNĒS LATĪNÆ

Sīgnum sānctæ crucis
In nōmine Patris et Fīliī et Spīritūs Sānctī.  Āmēn


Glōria Patrī
Glōria Patrī, et Fīliō, et Spīrituī Sānctō, sīcut erat in prīncipiō, et nunc, et semper, et in sæcula sæculōrum.  Āmēn.

Symbolum Apostolōrum
  • Crēdō in Deum,
    • Patrem omnipotentem,
    • Creātōrem cælī et terræ.
  • Et in Jēsum Chrīstum,
    • Fīlium ējus ūnicum,
    • Dominum nostrum ;  quī
      • conceptus est dē Spīritū Sāncto,
      • nātus ex Marīā Virgine,
      • passus sub Pontiō Pīlātō,
        crucīfīxus,
        mortuus,
        et sepultus.
    • Dēscendit ad īnferōs;
    • tertiā diē resurrēxit ā mortuīs;
    • ascendit ad cælōs ;
    • sedet ad dexteram Deī
      Patris omnipotentis.
    • Inde ventūrus est jūdicāre
      • Vīvōs
      • et mortuōs.
  • Crēdō in
    • Spīritum Sānctum,
    • sānctam Ecclēsiam catholicam,
    • Sānctōrum commūniōnem,
    • remissiōnem peccātōrum,
    • carnis resurrēctiōnem,
    • vītam æternam.
  • Āmēn

Laudēs Dīvīnæ
Ut reparātiō prō blasphēmiā pūblicā
BENEDICTUS Deus.
Benedictum nōmen sānctum Ējus.
Benedictus Jēsus Chrīstus, vērus Deus et vērus homō.
Benedictum nōmen Jēsū.
Benedictum Cor Ējus sacrātissimum.
Benedictus Sanguis Ējus pretiōsissimus.
Benedictus Jēsus in sānctissimō altāris Sacrāmentō.
Benedictus Sānctus Spīritus, Paraclētus.
Benedicta excelsa Māter Deī, Marīa sānctissima.
Benedicta sāncta ējus et immaculāta Conceptiō.
Benedicta ējus glōriōsa Assūmptiō.
Benedictum nōmen Marīæ, Virginis et Mātris.
Benedictus sānctus Jōsēph, ējus castissimus Spōnsus.
Benedictus Deus in Angelīs suīs, et in Sānctīs suīs.
Āmēn.

Pater Noster
Pater noster, quī es in cælīs, sānctificētur nōmen tuum.  Adveniat rēgnum tuum.  Fiat voluntās tua, sīcut in cælō et in terrā.  Pānem nostrum quotīdiānum dā nōbīs hodiē.  Et dīmitte nōbīs dēbita nostra, sīcut et nōs dīmittimus dēbitōribus nostrīs.  Et nē nōs indūcās in tentātiōnem, sed līberā nōs ā malō.  Āmēn.

Avē Marīa
Avē, Marīa, grātiā plēna;  Dominus tēcum.  Benedicta tū in mulieribus, et benedictus frūctus ventris tuī, Jēsus.  Sāncta Marīa, Māter Deī, ōrā prō nōbīs peccātōribus, nunc et in hōrā mortis nostræ.  Āmēn.

Angele Deī
Angele Deī, quī cūstōs es meī, mē tibi commissum pietāte supernā illūminā, cūstōdī, rege et gubernā.  Āmēn.

Patris Piī Novēna
(vulgō “Padre Pio”)
quam prō omnibus precēs ējus dēprecantibus cottīdiē recitābat
Ō mī Jēsū, dixistī:  « Āmēn, ego vōbīs dico:  Petite, et dabitur vōbīis;  quærite, et inveniētis;  pulsāte, et aperiētur vōbīs. »  Ecce, pulsō, quærō et petō beneficium ut...  (Prōpōne hic precem tuam.)
Pater noster...;  Avē Marīa...;  Glōria Patrī....

Cor sacrātissimum Jēsū, mē tōtum (tōtam) in fidem tuam cōnferō.

Ō mī Jēsū, dīxistī:  « Āmēn, dicō vōbīs:  Quodcunque petieritis Patrem in nōmine meō, dabit vōbīs. »  Ecce, in nōmine tuō, ā Patre petō ut...  (Prōpōne hic precem tuam.)

Pater noster...;  Avē Marīa...;  Glōria Patrī....
Cor sacrātissimum Jēsū, mē tōtum (tōtam) in fidem tuam cōnferā.

Ō mī Jēsū, dīxistī:  « Āmēn, dicō vōbīs:  Cælum et terra trānsībunt, verba autem mea nōn trānsībunt. »  Īnfallibilibus verbīs tuīs cōnfirmātus (cōnfirmāta) nunc petō beneficium ut...  (Prōpōne hic precem tuam.)
Pater noster...;  Avē Marīa...;  Glōria Patrī....

Cor sacrātissimum Jēsū, mē tōtum (tōtam) in fidem tuam cōnferā.

Ō cor sacrātissimum Jēsū, quī nōn potes tē hominibus afflīctīs præbere immisericordem, miserēre nostrum peccātōrum, et concēde nōbīs grātiam quam ā tē petimus, per cor dolōrōsum immaculātumque Mariæ, Mātris misericordis tuæ et nostræ.

Salvē Rēgīna
Salvē, Rēgīna, Māter misericordiæ, vīta, dulcēdō, et spēs nostra, salvē !Hail, holy Queen, Mother of Mercy!  Our life, our sweetness, and our hope!
Ad tē clāmāmus, exulēs fīliī Evæ.To thee do we cry, poor banished children of Eve,
Ad tē suspīrāmus, gementēs et flentēs in hāc lacrimārum valle.To thee do we send up our sighs, mourning and weeping in this valley, of tears.
Ēja ergo, Advocāta nostra, illōs tuōs misericordēs oculōs ad nōs converte.Turn, then, most gracious advocate, thine eyes of mercy toward us;
Et Jēsum, benedictum frūctum ventris tuī, nōbīs, post hoc exilium, ostende.And after this our exile show unto us the blessed fruit of thy womb Jesus;
Ō clēmēns, ō pia, ō dulcis Virgō Marīa.O clement, O loving, O sweet virgin Mary.
Ōra prō nōbīs, sāncta Deī Genitrīx,Pray for us, O holy Mother of God
Ut dignī efficiēmur prōmissiōnibus Chrīstī.That we may be made worthy of the promises of Christ.
Ōremus:

Deus, refugium nostrum et virtūs, populum ad tē clāmantem propitius respice ;  et intercēdente glōriōsā et immaculātā Virgine Deī Genitrīce Marīā, cum beatō Jōsēph, ējus Spōnsō, ac beātīs Apostolīs tuīs Petrō et Paulō, et omnibus Sānctīs, quās prō conversiōne peccātōrum, prō lībertāte et exaltātiōne sānctæ  Mātris Ecclēsiæ, precēs effundimus, misericors et benīgnus exaudī.  Per eundem Chrīstum Dominum nostrum, Fīlium tuum, quī tēcum vīvit et rēgnat in ūnitāte Spīritūs Sānctī, Deus, per omnia sæcula sæculōrum.  Āmēn.

Let us pray:

O God, our refuge and our strength, look down with mercy upon the people who cry to Thee;  and by the intercession of the glorious and immaculate Virgin Mary, Mother of God, of Saint Joseph her spouse, of the blessed Apostles Peter and Paul, and of all the saints, in Thy mercy and goodness hear our prayers for the conversion of sinners, and for the liberty and exaltation of the Holy Mother the Church.  Through the same Christ Our Lord, Thy Son, Who liveth and reigneth with Thee in the unity of the Holy Spirit, God, forever and ever.  Amen.


Sāncte Jōsēph, nūtrīcī Jēsū, ōra prō nōbīs.

Memorāre
Memorāre, ō piissima Virgō Marīa, nōn esse audītum ā sæculō, quemquam ad tua recurrentem præsidia, tua implōrantem auxilia, tua petentem suffrāgia esse dērelictum.  Ego tālī animātus cōnfīdentiā ad tē, Virgō Virginum, Māter, currō;  ad tē veniō;  cōram tē gemēns peccātor assistō.  Nōlī, Māter Verbī, verba mea dēspicere, sed audī propitia et exaudī.  Āmēn.


Angelus
  • V.  Angelus Dominī nuntiāvit Marīæ.
  • R.  Et concēpit dē Spīritū Sānctō.
  • The Angel of the Lord declared unto Mary:
  • And she conceived of the Holy Spirit.
Avē, Marīa. Hail Mary.
  • V.  Ecce ancilla Dominī.
  • R.  Fiat mihī secundum verbum tuum.
  • Behold the handmaid of the Lord:
  • Be it done unto me according to Thy word.
Avē, Marīa. Hail Mary.
  • V.  Et Verbum carō factum est.
  • R.  Et habitāvit in nōbīs.
  • And the Word was made Flesh:
  • And dwelt among us.
Avē, Marīa. Hail Mary.
  • V.  Ōra prō nōbīs, sāncta Deī Genetrīx,
  • R.  Ut dignī efficiāmur prōmissiōnibus Chrīstī.
  • Pray for us, O Holy Mother of God,
  • that we may be made worthy of the promises of Christ.
Ōrēmus:
Grātiam tuam, quæsumus, Domine, mentibus nostrīs īnfunde :  ut, quī, Angelō nuntiante, Chrīstī Fīliī tuī incarnātiōnem cōgnōvimus, per passiōnem ējus et crucem ad resurrēctiōnis glōriam perdūcāmur.  Per eundem Chrīstum Dominum nostrum, Fīlium tuum, quī tēcum vīvit et rēgnat in ūnitāte Spīritūs Sānctī, Deus, per omnia sæcula sæculōrum.  Āmēn.
Let us pray:
Pour forth, we beseech Thee, O Lord, Thy grace into our hearts;  that we to whom the incarnation of Christ, Thy Son, was made known by the message of an angel, may by His Passion and Cross be brought to the glory of His Resurrection, through the same Christ Our Lord Who liveth and reigneth with Thee in the unity of the Holy Spirit, God throughout all ages of ages.  Amen.


Rēgīna Cæli
(Hæc prex Paschalī tempore est locō “Angelī” precanda,
a Complētōriō Sabbatī Sānctī ūsque ad Nōnam Sabbatī
infrā Octāvam Pentēcostēs inclūsīvē)

Queen of Heaven
(This prayer is to be prayed during Eastertide instead of the Angelus,
from Compline on Holy Saturday until Nones on Saturday
at the end of the Octave of Pentecost, inclusively)
  • V.  Rēgīna cæli, lætāre, allēlūja:
  • R.  Quia quem meruistī portāre, allēlūja,
  • V.  Queen of Heaven, rejoice, alleluia.
  • R.  For he, whom you did merit to bear, alleluia.
  • V.  Resurrexit sicut dīxit, allēlūja;
  • R.  Ōra prō nōbīs Deum, allēlūja.
  • V.  Has risen as he said, alleluia.
  • R.  Pray for us to God, alleluia.
  • V.  Gaudē et lætāre, Virgō Marīa, allēlūja,
  • R.  Quia surrēxit Dominus vērē, allēlūja
  • V. Rejoice and be glad, O Virgin Mary, alleluia.
  • R. For the Lord is truly risen, alleluia.
Ōrēmus:
Deus, quī per resurrēctiōnem Fīliī tuī, Dominī nostrī Jēsū Chrīstī, mundum lætificāre dignātus es, præstā, quæsumus, ut per ējus Genetrīcem Virginem Marīam, perpetuæ capiāmus gaudia vitæ.

Per eundem Chrīstum Dominum nostrum.

R.  Āmēn.

Let us pray:
O God, who gave joy to the world through the resurrection of thy Son, our Lord Jesus Christ, grant we beseech thee, that through the intercession of the Virgin Mary, his Mother, we may obtain the joys of everlasting life.

Through the same Christ our Lord.

Amen.



Cantus ad Marīam antīquissimus
SUB tuum præsidium confugimus,
Sāncta Deī Genetrīx.
Nostrās dēprecātiōnēs nē dēspiciās in necessitātibus,
sed ā perīculīs cūnctīs līberā nōs semper,
Virgō glōriōsa et benedicta.

The Oldest Hymn to Mary
To beneath your protection we flee for refuge,
o holy Mother of God;
do not despise our petitions in times of need,
but always rescue us from all dangers,
o glorious and blessed Virgin.


Benedictiō Mēnsæ
Benedīc, Domine, nōs et hæc tua dōna, quæ dē tuā largitāte sumus sūmptūrī;  per Chrīstum Dominum nostrum.  Āmēn.
Ante prandium
Mensæ cælestis particeps faciat nōs, Rex æternæ glōriæ.  Āmēn.

Ante cēnam
Ad cēnam vītæ æternæ perdūcat nōs Rēx æternæ glōriæ.  Āmēn.

Grātiārum Āctiō post Prandium vel Cēnam
Agimus tibi grātiās, omnipotēns Deus, prō ūniversīs beneficiīs tuīs, quī vīvīs et rēgnās in sæcula sæculōrum.  Āmēn.

Grātiārum actiō
(Etiam post allocutiones usurpatur)

Āctiōnēs nostrās, quæsumus, Domine, aspīrandō prævenī, et adjuvandō prosequere, ut cūncta nostra ōrātiō et operātiō ā tē semper incipiat, et per tē cœpta fīniātur.  Per Chrīstum Dominum nostrum.  Āmēn.

Avē Marīa, etc.

Agimus tibi grātiās, omnipotēns Deus, prō ūniversīs beneficiīs tuīs, quī vivis et regnās in sæcula sæculōrum.  Āmēn.

Avē Marīa, etc.

V./  Nōs cum prōle piā
R./  Benedīcat Virgō Marīa.

INTERJECTIO ROSARII
Ō mī Jēsū, dīmitte nōbīs dēbita nostra, līberā nōs ab igne īnfernī, condūc in cælum omnēs animās, præsertim illās, quæ maximē indigent misericordiā tuā.

MYSTĒRIA ROSĀRIĪ

MYSTĒRIA GAUDIŌSA (In fēriīs secundīs [diēbus Lunæ] et fēriīs quīntīs [diēbus Jovis])
  1. Mystērium gaudiōsum prīmum :  Beāta Marīa Virgō ab Angelō salūtātur.
  2. Mystērium gaudiōsum secundum :  Beāta Marīa Virgō Elisabeth vīsitat.
  3. Mystērium gaudiōsum tertium :  Jēsus Chrīstus in Bethlehem nāscitur.
  4. Mystērium gaudiōsum quārtum :  Jēsus īnfāns in templō præsentātur.
  5. Mystērium gaudiōsum quīntum :  Jēsus puer in templō inter doctōrēs invenītur.
MYSTĒRIA DOLŌRŌSA (In fēriīs tertiīs [diēbus Mārtis] et fēriīs sextīs [diēbus Veneris])
  1. Mystērium dolōrōsum prīmum :  Jēsus Chrīstus, in hortō ōrāns, sanguinem sūdat.
  2. Mystērium dolōrōsum secundum :  Jēsus Chrīstus ad columnam flagellīs cæditur.
  3. Mystērium dolōrōsum tertium :  Jēsus Chrīstus spīnis corōnātur.
  4. Mystērium dolōrōsum quārtum :  Jēsus Chrīstus, morte condemnātus, Calvāriæ locum, crucem bājulāns, petit.
  5. Mystērium dolōrōsum quīntum :  Jēsus Chrīstus, crucī affīxus, cōram Mātre suā moritur.
MYSTĒRIA GLŌRIŌSA (In fēriīs quārtīs [diēbus Mercuriī], sabbatīs [diēbus Saturnī] et Dominicīs [diēbus Sōlis])
  1. Mystērium glōriōsum prīmum :  Resurrēctiō Jēsū Chrīstī.
  2. Mystērium glōriōsum secundum :  Ascēnsiō Jēsū Chrīstī.
  3. Mystērium glōriōsum tertium :  Spīritūs Sānctī suprā beātam Marīam Virginem et discipulōs dēscēnsus.
  4. Mystērium glōriōsum quārtum :  Assūmptiō beātæ Marīæ Virginis in cælum.
  5. Mystērium glōriōsum quīntum :  Mundī rēgnum Beātæ Virginī Marīæ in cælīs dēlātum.

Exceptiōnēs: Dominicæ [diēs Sōlis] Temporis Nātīvitātis Dominī * :  Mystēria Gaudiōsa
Dominicæ [diēs Sōlis] Quadrāgēsimæ ** :  Mystēria Dolōrōsa

* Tempus Nātīvitātis dēcurrit ā prīmīs Vesperīs Nātīvitātis Dominī ūsque ad Dominicam post Epiphanīam, seu post diem sextam Jānuāriī, inclūsīvē.  (Christmastide runs from Christmas Eve to the Sunday after Epiphany, or after the sixth of January, inclusive.)
** Quadrāgēsimæ :  Lent

Diēs hebdomadæ (Days of the week) :
Sōlis
Diēs

(Dominica)
Lūnæ
Diēs

(Fēria
Secunda)
Mārtis
Diēs

(Fēria
Tertia)
Mercuriī
Diēs

(Fēria
Quārta)
Jovis
Diēs

(Fēria
Quīnta)
Veneris
Diēs

(Fēria
Sexta)
Sāturnī
Diēs

(Sabbatum)

FATIMA
Precēs FatimæFatima Prayers

1

Ō mī Jēsū, dīmitte nōbīs dēbita nostra, līberā nōs ab īgne īnfernī, condūc in cælum omnēs animās, præsertim illās, quæ maximē indigent misericordiā tuā.

1

O my Jesus, forgive us our sins and save us from the fires of Hell;  lead all souls to heaven, especially those most in need of Thy mercy.

Textus Lusitanus (1917 Juliī 13) :
“Ó meu Jesus, perdoai-nos, livrai-nos do fogo do inferno;  levai as almas todas para o Céu, principalmente as que mais precisārem”.

Hispanice :
¡Oh Jesús mío, perdónanos, líbranos del fuego del infierno, lleva al cielo a todas las almas y socorre principalmente a las más necesitadas!  (Se dice al fin de cada decena, después del Gloria.)

2

Sānctissima Trīnitās :  Pater, Fīlī et Spīritus Sāncte, Vōs profundē adōrō, et Vōbīs offerō pretiōsissimum Corpus, Sanguinem, Animam Dīvīnitātemque Jēsū Chrīstī, in omnibus tabernāculīs orbis terrārum præsentem, in satisfactiōne contumēliārum, sacrilegiōrum neglegentiæque quibus Ipse offenditur.  Et per īnfīnīta Ējus Sānctissimī Cordis Immaculātīque Marīæ Cordis merita, Vōs dēprecor ut peccātōrēs miserandōs convertātis.

vel

Sānctissima Trinitās :  Pater, Fīlī et Spīritus Sāncte, profundissimē tē adōrō.  Offerō tibi pretiōsissimum Corpus et Sanguinem, animam et dīvīnitātem Jēsū Chrīstī, quī præsēns est in omnibus tabernāculīs tōtīus mundī, in reparātiōnem contumēliārum omnium, sacrilegiōrum et indifferentiæ quibus offenditur.  Per infīnīta merita Sacrātissimi cordis Jēsū et Immaculātī Cordis Marīæ, conversiōnem peccātōrum petō.

2

O Most Holy Trinity, Father, Son and Holy Spirit, I adore You profoundly.  I offer You the most precious Body, Blood, Soul and Divinity of Jesus Christ, present in all the tabernacles of the world, in reparation for the outrages, sacrileges and indifferences by which He is offended.  And by the infinite merits of His Most Sacred Heart and the Immaculate Heart of Mary, I beg of You the conversion of poor sinners.

Textus Lusitanus (æstate 1916) :
“Santíssima Trindade, Pai, Filho e Espírito Santo, adoro-vos profundamente e ofereço-vos o preciosíssimo Corpo, Sangue, Alma e Divindade de Jesus Cristo, presente em todos os sacrários da terra, em reparação dos ultrajes, sacrilégios e indiferenças com que Ele mesmo é ofendido.  E pelos méritos infinitos do Seu Santíssimo Coração e do Coração Imaculado de Maria, pevo-Vos a conversão dos pobres pecadores”.

Hispanice :
Santísima Trinidad, Padre, Hijo y Espíritu Santo, yo te adoro profundamente y te ofrezco el Preciosísimo Cuerpo, Sangre, Alma y Divinidad de nuestro Señor Jesucristo, presente en todos los Sagrarios del mundo, en reparación de los ultrajes con los que El es ofendido.  Por los méritos infinitos del Sagrado Corazón de Jesús y del Inmaculado Corazón de María, te pido la conversión de los pecadores.  (Los niños rezaban estas dos oraciones de rodillas y con la frente inclinada hacia el suelo)

3

Ō mī Deus, tē crēdō, adōrō, spērō et amō.  Veniam tuam prō eīs petō quī tē nōn crēdunt, neve adōrant, neu spērant, neu amant.

vel

Deus meus, in tē crēdō, tē adōrō, in tē cōnfīdō, tē amō ;  veniam petō prō hīs qui in tē nōn crēdunt, tē nōn adōrant, in tē nōn cōnfīdunt, tē nōn amant.

vel

Deus meus, crēdō in tē, adōrō tē, spērō tē, amō tē.  Veniam tuam implōrō eīs, quī nōn crēdunt, neque adōrant, neque spērant, neque amant.

3

My God, I believe in Thee, I adore Thee, I hope in Thee and I love Thee.  I beseech Thee for pardon of those who do not believe, do not adore, do not hope and do not love Thee.

Textus Lusitanus :
“Meu Deus, eu creio, adoro, espero e amo-Vos.  Peço-Vos perdão para os que não crãem, não adoram, não esperam e não Vos amam”.

Hispanice :
¡Dios mío, yo creo, adoro, espero y te amo!  ¡Te pido perdón por los que no creen, no adoran, no esperan, no te aman!  (Tres veces.)

4

Sānctissima Trīnitās, tē adōrō ;  Deus meus, Deus meus, tē amō in Sānctissimō Sacrāmentō præsentem.

4

Most Holy Trinity, I adore Thee;  my God, my God, I love Thee in the Most Holy Sacrament.

Textus Lusitanus :
Ó Santíssima Trindade, eu Vos adoro.  Meu Deus, meu Deus, eu Vos amo no Santíssimo Sacramento.

Hispanice :
Santísima Trinidad, yo te adoro.  Dios mío, Dios mío, yo te amo en el Santísimo Sacramento.

5

Ō mī Jēsū, hoc sacrificiolum est propter amōrem tuī, prō conversiōne peccātōrum, et in reparātiōnem peccātōrum contrā Immaculātum Cor Mariæ commissōrum.

5

O my Jesus, this sacrifice is for the love of Thee, for the conversion of sinners and in reparation for the sins committed against the Immaculate Heart of Mary.

Textus Lusitanus :
Ó Jesus, é por Vosso amor, pela conversão dos pecadores e em reparação pelos pecados cometidos contra o Imaculado Coração de Maria!

Hispanice :
Oh Jesús mío, es por amor a ti, en reparación por las ofensas cometidas contra el Inmaculado Corazón de María, y por la conversión de los pobres pecadores Fátima

 


ORATIO PRO PONTIFICE
V.  Ōremus prō Pontifice nostrō, Franciscō.
R.  Dominus cōnservet eum, et vīvificet eum, et beātum faciat eum in terrā, et nōn trādat eum in manūs inimīcōrum ējus.

Ōrātiō ad Sānctum Michaēlem
Sāncte Michaēl Archangele, dēfende nōs in prœliō;  contrā nequitiam et insidiās diabolī estō præsidium.  Imperet illī Deus, supplicēs dēprecāmur;  tūque, Prīnceps mīlitiæ cælestis, Satanam aliōsque spīritūs malignōs, quī ad perditiōnem animārum pervagantur in mundō, dīvīna virtūte in īnfernum dētrūde.  Āmēn.

SANCTĪ APOSTOLĪ PETRE ET PAULE
Sānctī Apostolī Petre et Paule, intercēdite prō nōbīs.

Prōtege, Domine, populum tuum;  et Apostolōrum tuōrum Petrī et Paulī patrōciniō cōnfīdentem, perpetuā dēfēnsiōne cōnservā.  Per Chrīstum Dominum nostrum, Fīlium tuum, quī tēcum vīvit et rēgnat in ūnitāte Spīritūs Sānctī, Deus, per omnia sæcula sæculōrum.  Āmēn.

Requiem (Diēs īræ)
Introitus:

<4 Esdr. 2:34-35:>
Requiem æternam dōnā eīs, Domine;
et lūx perpetua lūceat eīs,
<Ps. 64,2-3:>
tē decet hymnus, Deus, in Sion;
et tibi reddētur vōtum in Jerusalem:
exaudī ōrātiōnem meam;
ad tē omnis carō veniet.

Requiem æternam dōnā eīs, Domine;
et lūx perpetua lūceat eīs.

Kyrie eleison,
Chrīste eleison,
Kyrie eleison.

Sequentia:

DIĒS īræ, diēs illa,
solvet sæclum in favillā,
teste David cum Sibyllā.

Quantus tremor est futūrus,
quandō jūdex est ventūrus,
cūncta strictē discussūrus!

Tuba mīrum spargēns sonum
per sepulcra regiōnum,
cōget omnēs ante thronum.

Mors stupēbit et nātūra,
quum resurget creātūra,
jūdicantī respōnsūra.

Liber scrīptus proferētur,
in quō tōtum continētur,
unde mundus jūdicētur.

Jūdex ergō quum sedēbit,
quicquid latet apparēbit:
nīl inultum remanēbit.

Quid sum miser tunc dictūrus?
quem patrōnum rogātūrus?
quum vix jūstus sit sēcūrus.

Rēx tremendæ mājestātis,
qui salvandōs salvās grātīs,
salvā mē, fōns pietātis.

Recordāre Jēsū pie,
quod sum causa tuæ viæ:
nē mē perdās illā diē.

Quærēns mē, sēdistī lassus:
redēmistī crucem passus:
tantus labor nōn sit cassus.

Jūste jūdex ultiōnis,
dōnum fac remissiōnis,
ante diem ratiōnis.

Ingemiscō, tanquam reus:
culpā rubet vultus meus:
supplicantī parce, Deus.

Qui Marīam absolvistī,
et latrōnem exaudistī,
mihi quoque spem dedistī.

Precēs meæ nōn sunt dignæ:
sed tū bonus fac benignē,
ne perennī cremer igne.

Inter ovēs locum præstā,
et ab hædīs mē sēquestrā,
statuēns in parte dextrā.

Cōnfūtātīs maledictīs,
flammīs ācribus addictīs.
vocā mē cum benedictīs.

Ōrō supplex et acclīnis,
cor contrītum quasi cinis:
gere cūram meī fīnis.

Lacrimōsa diēs illa,
quā resurget ex favillā
judicandus homō reus:
huic ergō parce, Deus.

Pie Jēsū Domine,
dōnā eīs requiem. Āmēn.

Offertōrium:

Domine Jēsū Chrīste!  Rēx glōriæ!
Liberā animās omnium fidēlium dēfunctōrum
dē pœnīs īnfernī et dē profundō lacū!

Līberā eās dē ōre leōnis,
nē absorbeat eās Tartarus,
nē cadant in obscūrum:
sed sīgnifer sānctus Michaēl
repræsentet eās in lūcem sānctam,
quam olim Abrahæ prōmīsistī, et sēminī ējus.

V.)  Hostiās et precēs tibi, Domine, laudis offerimus:
Tū suscipe prō animābus illīs, quārum hodiē memoriam facimus:
fac eās, Domine, dē morte trānsīre ad vītam:
quam olim Abrahæ prōmīsistī, et sēminī ējus.

Sānctus:

Sānctus, sānctus, sānctus Dominus Deus Sabaoth!
plēnī sunt cælī et terra glōriā tuā.
Hosanna in excelsīs.

Benedictus:

Benedictus, qui venit in nōmine Dominī.
Hosanna in excelsīs.

Agnus Deī:

Agnus Deī, qui tollis peccāta mundī:  dōnā eīs requiem.
Agnus Deī, qui tollis peccāta mundī:  dōnā eīs requiem.
Agnus Deī, qui tollis peccāta mundī:  dōnā eīs requiem sempiternam.

Commūniō:

<4 Esdr. 2:35,34:>
Lūx æterna lūceat eīs, Domine:
Cum sānctīs tuīs in æternum, quia pius es.

V.)  Requiem æternum dōnā eīs, Domine;
et lūx perpetua lūceat eīs:
Cum sānctīs tuīs in æternum, quia pius es.


GLŌRIA
  • Glōria in excelsīs Deō,
  • Et in terrā pāx hominibus bonæ voluntātis.
  • Laudāmus tē.
  • Benedīcimus tē.
  • Adorāmus tē.
  • Grātiās agimus tibi propter magnam glōriam tuam,
    • Domine Deus, Rēx cælestis, Deus Pater omnipotēns.
  • Domine Filī ūnigenite, Jēsū Chrīste, Domine Deus, Agnus Deī, Fīlius Patris,
    • Quī tollis peccāta mundī:  suscipe dēprecātiōnem nostram.
      Quī sedēs ad dexteram Patris:  miserēre nōbīs.
      Quoniam tu sōlus Sānctus,
        tu sōlus Dominus,
        tu sōlus Altissimus, Jēsū Chrīste,
        cum Sānctō Spīritū, in glōriā Deī Patris.
  • Āmēn.

DE PROFUNDIS
  • De profundīs clāmāvī ad tē, Domine;
  • Domine, exaudī vōcem meam.
  • Fiant aurēs tuæ intendentēs in vōcem dēprecātiōnis meæ.
  • Sī inīquitātēs observāveris, Domine, Domine, quis sustinēbit?
  • Quia apud tē propitiātiō est;
  • et propter lēgem tuam sustinuī tē, Domine.
  • Sustinuit anima mea in verbō ējus;
  • spērāvit anima mea in Domino.
  • A cūstōdiā mātūtīnā ūsque ad noctem, spēret Israēl in Dominō.
  • Quia apud Dominum misericordia;
  • et copiōsa apud eum redēmptiō.
  • Et ipse redimet Israēl ex omnibus inīquitātibus ējus.
  • Glōria Patrī.
Antiphona: Sī inīquitātēs observāveris, Domine, Domine, quis sustinēbit?

Magnificat
  • Magnificat anima mea Dominum,
  • Et exsultāvit spīritus meus in Deō, salutārī meo.
  • Quia respexit humilitātem ancillæ suæ.  Ecce enim ex hoc beātam mē dīcent omnēs generātiōnēs.
  • Quia fēcit mihi magna quī potēns est, et sānctum nōmen ējus.
  • Et misericordia ējus ā progeniē in progeniēs timentibus eum.
  • Fēcit potentiam in bracchiō suo;  dispersit superbōs mente cordis suī.
  • Dēposuit potentēs dē sēde, et exaltāvit humilēs.
  • Ēsurientēs implēvit bonīs, et dīvitēs dīmīsit inānēs.
  • Suscēpit Israēl, puerum suum, recordātus misericordiæ suæ.
  • Sīcut locūtus est ad patrēs nostrōs, Abraham et sēminī ējus in sæcula.
  • Glōria Patrī.

Tē Deum
  • Tē, Deum, laudāmus;  tē Dominum cōnfitēmur.
  • Tē, æternum Patrem, omnis terra venerātur.
  • Tibi omnēs Angelī, tibi Cælī, et ūniversæ Potestātēs.
  • Tibi Cherubim et Seraphim incessābilī vōce prōclāmant:
    • Sānctus,
    • Sānctus,
    • Sānctus, Dominus Deus Sabaoth!
      Plēnī sunt cælī et terra majestātis glōriæ tuæ.
  • Tē glōriōsus Apostolōrum chorus,
  • Tē Prophētārum laudābilis numerus,
  • Tē Martyrum candidātus laudat exercitus.
  • Tē per orbem terrārum sāncta cōnfitētur Ecclēsia.
  • Patrem immēnsæ mājestātis,
  • Venerandum tuum vērum et ūnicum Fīlium,
  • Sānctum quoque Paraclētum Spīritum.
  • Tu Rēx glōriæ, Chrīste.
  • Tu Patris sempiternus es Fīlius.
  • Tu, ad līberandum susceptūrus hominem, nōn horruistī Virginis uterum.
  • Tu, dēvictō mortis aculeō, aperuistī crēdentibus rēgna cælōrum.
  • Tu ad dextram Deī sedēs, in glōriā Patris.
  • Jūdex crēderis esse ventūrus.
(Sequēns versus dīcitur flexīs genibus:)
  • Tē, ergo, quæsumus, tuīs famulīs subvenī, quōs pretiōsō sanguine redēmistī.
  • Æternā fac cum Sānctīs tuīs in glōriā numerārī.
  • Salvum fac populum tuum, Domine, et benedīc hērēditātī tuæ.
  • Et rege eōs, et extolle illōs ūsque in æternum.
  • Per singulōs diēs benedīcimus tē;
  • Et laudāmus nōmen tuum in sæculum, et in sæculum sæculī.
  • Dignāre, Domine, diē istō sine peccātō nōs cūstōdire.
  • Miserēre nostrī, Domine, miserēre nostrī.
  • Fiat misericordia tua, Domine, super nōs, quemadmodum spērāvimus in tē.
  • In tē, Domine, spērāvi;  nōn cōnfundar in æternum.

SĀNCTUS JŌSĒPH
Sāncte Jōsēph, cūjus prōtēctiō ante thronum Deī tam magna, tam fortis tamque prōmpta est, in manibus tuīs omnēs meās cūrās dēsīderiaque pōnō.  Sāncte Jōsēph, mē tuā intercessiōne potentī adjuvā.  Dē Alumnō dīvīnō tuō, Dominō nostrō, impetrā prō mē omnia beneficia spīrituālia quibus indigeō ut, hīc in terrā auxilium potentiæ cælestis tuæ adeptus, Patrī amantissimō meam grātiārum āctiōnem et honōrem præbēre possim.  Sāncte Jōsēph, nunquam dēfetīscor contemplandō tē cum īnfante Jēsū in brachiīs tuīs dormiente.  Nōn audeō appropinquāre dum Ille prope cor tuum quiēscit.  Amplectere Eum nōmine meō, et caput ējus tenerum prō mē ōsculāre ;  et pete ab eō ut mē prō suā parte amplectet ōsculēturque quum egō, moritūrus, animam exspīrō.  Sāncte Jōsēph, patrōnus animārum moribundārum, ōrā prō mē.
O Saint Joseph, whose protection is so great, so strong, so prompt before the Throne of God, I place in thee all my interests and desires.  O Saint Joseph, do assist me by your powerful intercession, and obtain for me from thy divine Son all spiritual blessings through Jesus Christ, Our Lord, so that having engaged here below thy heavenly power, I may offer my thanksgiving and homage to the most loving of fathers.  O Saint Joseph, I never weary of contemplating thee and Jesus asleep in thy arms.  I dare not approach while He reposes near thy heart.  Press Him in my name and kiss His fine head for me, and ask Him to return the kiss when I draw my dying breath.  Saint Joseph, Patron of departing souls, pray for me. Oh San José, cuya protección es tan grande, tan poderosa y eficaz ante el trono de Dios, en vuestras manos entrego todos mis intereses y mis deseos.  O San José, asistidme con vuestra poderosa intercesión.  Obtened para mí, de vuestro Divino Hijo, Nuestro Señor, todas las bendiciones espirituales que necesito.  A fin de que, habiendo conseguido, aquí en la tierra, la ayuda de vuestro poder celestial, pueda ofrecer mi grātitud y homenaje, al Padre más Amoroso.  O San José, nunca me cansaré de contemplaros con el Niño Jesús dormido en vuestros brazos.  No me atrevo a acercarme mientras que el Niño reposa sobre vuestro corazón.  Abrazadle fuertemente en mi nombre;  y de parte mía, besad su fina y delicada Cabecita.  Luego, suplicadle que me devuelva ese beso a la hora de mi último suspiro.  San José, patrón de los moribundos, rogad por nosotros.
O heiliger Josef, dessen Schutz vor dem Throne Gottes so groß, so stark und unverzüglich ist, dir vertraue ich alle meine Anliegen und Wünsche an.  O heiliger Josef, steh mir bei mit deiner mächtigen Fürsprache und erlange mir von deinem göttlichen Pflegesohn alle geistlichen Segnungen durch Jesus Christus, unseren Herrn.  So dass, wenn du auf Erden alle Deine himmlische Macht eingesetzt hast, ich meine Dankbarkeit und Ehrerbietung dem liebenden Vater erweisen kann.  O heiliger Josef, ich werde niemals ermüden, dich und Jesus, der in deinen Armen schläft, zu betrachten. Ich wage nicht, mich zu nähern, während er sich an deinem Herzen ausruht.  Umarme ihn in meinem Namen und küsse sein zartes Haupt für mich und bitte ihn darum, mich seinerseits zu umarmen wenn ich sterbend meine Seele aushauche.  Heiliger Josef, Patron der Sterbenden und Schrecken der bösen Geister, bitte für mich und erlange mir die Gnade, dass ich mit dem heiligen Namen Jesus, Maria, Josef meine Seele aushauche.  Heiliger Joseph, bitte für mich.

ANIMA CHRISTI
Anima Chrīstī, sānctificā mē.
Corpus Chrīstī, salvā mē.
Sanguis Chrīstī, inebriā mē.
Aqua lateris Chrīstī, lavā mē.
Passiō Chrīstī, cōnfortā mē.
Ō bone Jēsū, exaudī mē.
Intrā tua vulnera absconde mē.
Nē permittās mē separārī ā tē.
Ab hoste malignō dēfende mē.
In horā mortis mēæ vocā mē.
Et jubē mē venīre ad tē, ut cum Sānctīs tuīs laudem tē in sæcula sæculōrum.
Āmēn.

Ōrātiō ad Dominum Nostrum Jēsum Chrīstum Crucifixum
En egō, ō bone et dulcissime Jēsū, ante cōnspectum tuum genibus mē prōvolvō, ac maximō animī ārdōre tē ōrō atque obtestor, ut meum in cor vīvidōs fideī, speī et caritātis sensūs, atque vēram peccātōrum meōrum pænitentiam, eaque emendandī firmissimam voluntātem velīs imprimere;  dum magnō animī affectū et dolōre, tua quīnque Vulnera mēcum ipse cōnsiderō ac mente contemplor, illud præ oculīs habēns, quod jam in ōre pōnēbat tuō David prophēta dē tē, ō bone Jēsū:  “Fōdērunt manūs meās et pedēs meos;  dīnumerāvērunt omnia ossa mea.” U

Symbolum Nicænum (annō 325º Juniī 19ª)
(Denziger, p. 52)

  • Crēdimus in ūnum Deum, Patrem omnipotentem, omnium vīsibilium et invīsibilium factōrem.
  • Et in ūnum Dominum nostrum Jēsum Chrīstum, Fīlium Deī, nātum ex Patre ūnigenitum, hoc est dē substantiā Patris,
  • Deum ex Deō, lūmen ex lūmine, Deum vērum dē Deō vērō, nātum, nōn factum, ūnīus substantiæ cum Patre (quod græce dicunt homousion), per quem omnia facta sunt, quæ in cælō et in terrā.
  • Quī [propter nōs hominēs et] propter nostram salūtem dēscendit, incarnātus est et homō factus est et passus est, et resurrēxit tertiā die, et ascendit in cælōs, ventūrus jūdicāre vīvōs et mortuōs.
  • Et in Spīritum Sānctum.

Symbolum Nicænum
(forma recēns liturgica)

  • Crēdō in ūnum Deum, Patrem omnipotentem, factōrem cælī et terræ, vīsibilium omnium, et invīsibilium.
  • Et in ūnum Dominum Jēsum Chrīstum, Fīlium Deī ūnigenitum.
    • Et ex Patre nātum ante omnia sæcula,
      • Deum dē Deō,
      • lūmen dē lūmine,
      • Deum vērum dē Deō vērō.
    • Genitum, nōn factum, cōnsubstantiālem Patrī — per quem omnia facta sunt.
    • Quī propter nōs hominēs, et propter nostram salūtem, dēscendit dē cælīs.
    • Et incarnātus est dē Spīritū Sānctō ex Mariā Virgine,
      et homō factus est.
    • Crucifīxus etiam prō nōbīs:
    • sub Pontiō Pilātō passus,
      et sepultus est.
    • Et resurrēxit tertiā diē, secundum Scrīptūrās.
    • Et ascendit in cælum;
    • sedet ad dexteram Patris.
    • Et iterum ventūrus est cum glōriā
    • jūdicāre vīvōs,
      et mortuōs;
    • cūjus rēgnī nōn erit fīnis.
  • Et in Spīritum Sānctum, Dominum, et vīvificantem:
    • quī ex Patre Fīliōque prōcēdit;
    • quī cum Patre et Fīliō simul adōrātur,
      et conglōrificātur;
    • quī locūtus est per Prophētās.
  • Et ūnam sānctam catholicam et apostolicam Ecclēsiam.
  • Cōnfiteor ūnum baptisma in remissiōnem peccātōrum.
  • Et expectō resurrēctiōnem mortuōrum.
  • Et vītam ventūrī sæculī.
  • Āmēn.


Conclusionēs Collectōrum,
Secretōrum, Postcommunionum
et ceterārum ejusmodī generis precum
Conclūsiōnēs ad Deum Patrem, aliīs Persōnīs prætermissīs:

Per Dominum nostrum Jēsum Chrīstum Fīlium tuum, quī tēcum vīvit et rēgnat in ūnitāte Spīritūs Sānctī, Deus, per omnia sæcula sæculōrum.  R/ Āmēn.

Precēs ad Deum Patrem, Spīritu Sānctō commemōrāto:

Per Dominum nostrum Jēsum Chrīstum Fīlium tuum, quī tēcum vīvit et rēgnat in ūnitāte ĒJUSDEM Spīritūs Sānctī, Deus, per omnia sæcula sæculōrum.  R/ Āmēn.

Precēs ad Deum Patrem, Dominō nostrō in prīncipiō mediōve commemōrāto:

Per eundem Dominum nostrum Jēsum Chrīstum Fīlium tuum, quī tēcum vīvit et rēgnat in ūnitāte Spīritūs Sānctī, Deus, per omnia sæcula sæculōrum.  R/ Āmēn.

Precēs ad Deum Patrem, Dominō nostrō in ēnūntiātiōne ultimā commemōrāto:

Quī tēcum vīvit et rēgnat in ūnitāte Spīritūs Sānctī, Deus, per omnia sæcula sæculōrum.  R/ Āmēn.

Precēs ad Dominum nostrum:

Quī vivīs et regnās cum Deō Patre, in ūnitāte Spīritūs Sānctī, Deus, per omnia sæcula sæculōrum.  R/ Āmēn.

(Aliæ conclūsionēs particulārēs quoque sunt variīs in locīs missālis observanda.)


Exorcismus in satanam et angelōs apostaticōs
(Rit. Rom. Tit. XI, Cap. III)
Sequēns exorcismus recitārī potest ab Episcopīs, nec nōn ā Sacerdotibus, quī ab Ōrdināriīs suīs ad id auctōritātem habeant.
In nōmine Patris, et Fīliī, et Spīritūs Sānctī.  Āmēn

Ad Sānctum Michaēlem Archangelum Precātiō

Princeps glōriōsissime cælestis mīlitiæ, sāncte Michaēl Archangele, dēfende nōs in prœliō adversus mundī rēctōrēs tenebrārum hārum, contrā spīrituālia nequitiæ in cælestibus.  Venī in auxilium hominum, quōs Deus ad imāginem similitūdinis suæ fēcit, et ā tyrannide diabolī ēmit pretiō magnō.  — Tē cūstōdem et patrōnum sāncta venerātur Ecclēsia;  tibi trādidit Dominus animās redēmptōrum in supernā fēlīcitāte locandās.  Dēprecāre Deum pācis, ut conterat satanam sub pedibus nostrīs, nē ultrā valeat captīvōs tenēre hominēs et Ecclēsiæ nocēre.  Offer nostrās precēs in cōnspectū Altissimī, ut citō anticipent nōs misericordiæ Dominī, et apprehendās dracōnem, serpentem antīquum, quī est diabolus et satanās, et ligātum mittās in abyssum, ut nōn sēducat amplius gentēs.

Exorcismus

In nōmine Jēsū Chrīstī Deī et Dominī nostrī, intercedente immaculātā Virgine Deī Genitrīce Marīā, beātō Michaēlō Archangelō, beātīs Apostolīs Petrō et Paulō et omnibus Sānctīs et, sacrā ministeriī nostrī auctōritāte cōnfīsī, ad īnfēstātiōnēs diabolicæ fraudis repellendās sēcūrī aggredimur.

Psalmus 67

Exsurgat Deus, et dissipentur inimīcī ējus, et fugiant quī odērunt eum ā faciē ējus.
Sīcut dēficit fumus, dēficiant;  sicut fluit cēra ā faciē ignis, sic pereant peccātōrēs ā faciē Deī.
V.)  Ecce Crucem Dominī:  fugite, partēs adversæ.
R.)  Vīcit Leō dē tribū Jūda, rādīx David.
V.)  Fiat misericordia tua, Domine, super nōs.
R.)  Quemadmodum spērāvimus in tē.

Exorcizāmus tē, omnis immunde spīritus, omnis satanica potestās, omnis incursiō īnfernālis adversāriī, omnis legiō, omnis congregātiō et secta diabolica, in nōmine et virtūte Dominī nostrī Jēsū X Chrīsti;  ērādicāre et effugāre ā Deī Ecclēsiā, ab animābus ad imāginem Deī conditīs ac pretiōsō dīvīnī Agnī sanguine redēmptīs X.  Nōn ultrā audeās, serpēns callidissime, dēcipere humānum genus, Deī Ecclēsiam persequī, ac Deī ēlēctōs excutere et crībrāre sīcut trīticum X.  Imperat tibi Deus altissimus X :  cuī in magnā tuā superbiā tē similem habērī adhūc præsūmis;  quī omnēs hominēs vult salvōs fierī et ad agnitiōnem vēritātis venīre.  Imperat tibi Deus Pater X ;  imperat tibi Deus Spīritus Sānctus X.  Imperat tibi Chrīstus, æternum Deī Verbum carō factus X, quī prō salūte generis nostrī tuā invidiā perditī, humiliāvit sēmetipsum, factus obœdiēns ūsque ad mortem;  quī Ecclēsiam suam ædificāvit suprā firmam petram, et portās īnferī adversus eam nunquam esse prævalitūrās ēdīxit, cum eā ipse permansūrus omnibus diēbus, ūsque ad cōnsummātiōnem sæculi.  Imperat tibi sacrāmentum Crucis X omniumque chrīstiānæ fideī Mystēriōrum virtūs X.  Imperat tibi excelsa Deī Genetrīx Virgō Marīa X, quæ superbissimum caput tuum ā primō instantī immaculātæ Conceptiōnis in suā humilitāte contrīvit.  Imperat tibi fidēs sānctōrum Apostolōrum Petrī et Paulī cēterōrumque Apostolōrum X.  Imperat tibi Martyrum sanguis, ac pia Sānctōrum et Sānctārum omnium intercessio X.

Ergō, dracō maledicte et omnis legiō diabolica, adjūrāmus tē per Deum X vīvum, per Deum X vērum, per Deum X sānctum, per Deum, quī sīc dīlēxit mundum, ut Fīlium suum ūnigenitum daret, ut omnis quī crēdit in eum nōn pereat, sed habeat vītam æternam:  cessā dēcipere humānās creāturās, eīsque æternæ perditiōnis venēnum propīnāre;  dēsine Ecclēsiæ nocēre et ējus lībertātī laqueōs injicere.  Vāde, satana, inventor et magister omnis fallāciæ, hostis humānæ salūtis.  Dā locum Chrīstō, in quō nihil invēnistī dē operibus tuīs;  dā locum Ecclēsiæ ūni, sānctæ, catholicæ et Apostolicæ, quam Chrīstus ipse acquīsīvit sanguine suō.  Humiliāre sub potentī manū Deī;  contremisce et effuge, invocātō ā nōbīs sānctō et terribilī Nōmine Jēsū, quem īnferī tremunt, cuī Virtūtēs cælōrum et Potestātēs et Dominātiōnēs subjectæ sunt;  quem Cherubim et Seraphim indēfessīs vōcibus laudant, dīcentēs, “Sānctus, Sānctus, Sānctus Dominus Deus Sabaoth.”

V.)  Domine, exaudī ōrātiōnem meam.
R.)  Et clāmor meus ad tē veniat.
V.)  Dominus vōbīscum.
R.)  Et cum spīritū tuō.

    Ōrātiō

Ōrēmus
Deus cælī, Deus terræ, Deus Angelōrum, Deus Archangelōrum, Deus Patriarchārum, Deus Prophētārum, Deus Apostolōrum, Deus Martyrum, Deus Confessōrum, Deus Virginum, Deus quī potestātem habēs dōnāre vītam post mortem, requiem post labōrem — quia nōn est Deus præter tē, nec esse potest nisī tū, creātor omnium vīsibilium et invīsibilium, cūjus rēgnī nōn erit fīnis — humiliter mājestātī glōriæ tuæ supplicāmus, ut ab omnī īnfernālium spīrituum potestāte, laqueō, dēceptiōne et nēquitiā nōs potenter līberāre et incolumēs cūstōdire dignēris.  Per Chrīstum Dominum nostrum.  R.)  Āmēn.

Ab īnsidiīs diabolī, līberā nōs, Domine
Ut Ecclēsiam tuam sēcūrā tibi faciās lībertāte servīre, tē rogāmus, audī nōs.
Et aspergātur locus aquā benedictā.
(Prīvātim ab omnibus recitārī potest.)


Āctus contrītiōnis

Deus meus, e tōtō corde pænitet mē omnium meōrum peccātōrum, eaque dētestor, quia peccandō nōn sōlum pœnās ā tē jūstē statūtās prōmeritus sum, sed præsertim quia offendī tē, summum bonum, ac dignum quī super omnia dīligāris.  Ideō firmiter prōpōnō, adjuvante grātiā tuā, dē cēterō mē nōn peccātūrum peccandīque occāsiōnēs proximās fugitūrum.  Āmēn.

vel

Domine Deus, doleō ex integrō corde dē peccātīs commissīs, quia per ea tē, summum bonum super omnia dīlēctum, offendī ;  et dētestor ea, quia tibi displicent :  prōpōnō firmiter nōn peccāre dē cēterō :  et ex hōc mōmentō statuō vītāre et tollere occāsiōnēs omnēs, causās et perīcula peccātōrum, potius vītam et omnia āmittere quam peccātum admittere ;  statuō etiam peccāta mea quamprīmum cōnfitēri, et in satisfactiōnem acceptō dē manū tuā omnia adversa, labōrēs et onera.  Cor contrītum et humiliātum, Deus, nōn dēspiciēs.  Ps. 50.

vel

Ō mī Deus, mē ex corde pænitet tē offendisse, et dētestor omnia peccāta mea quia āmissiōnem cælī dolōrēsque īnferī metuō, sed imprīmīs quia tē offendunt, mī Deus, quī tōtus es bonus, et omnis meī amōris es dignus.  Firmiter prōpōnō, ope grātiæ tuæ, peccāta mea cōnfitērī, pænitentiam agere, vītamque meam ēmendāre.  Āmēn.

vel

Ō mī Deus, in tē crēdō, in tē spērō, tē dīligō ē corde, ideōque dētestor omnia peccāta mea et firmiter cavēre prōpōnō.  Ah, dīmitte mihi dēbita mea ;  sīcut et egō dīmitte dēbitōribus meīs.

vel

Deus meus, ex īmō corde Tē offendisse mē pænitet.  Omnia peccāta mea dētestor quia āmissiōnem cælī et pœnās īnferī abhorror ;  sed maximē quia Tē, Deum meum, offendunt, Quī tōtus bonus es et amōre meō omnī dignus es.  Auxiliō grātiæ tuæ ut peccāta mea cōnfitear, pænitentiam agam et vītam meam ēmendem, firmiter statuō.  Āmēn.

Anglice

O my God, I am heartily sorry for having offended Thee, and I detest all my sins, because I dread the loss of heaven and the pains of hell;  but most of all because they offend Thee, my God, Who art all good and deserving of all my love.  I firmly resolve, with the help of Thy grace, to confess my sins, to do penance and to amend my life.  Āmēn.


Prex Adventūs Advent Prayer
Salūtāris beātaque sit hōra tempusque quō Fīlius Deī ē pūrissimā Beātā Virgine Marīā, mediā nocte, frīgore mordācī, in Bēthlehem nātus est.  In hōrā illā, mī Deus, precēs meās exaudīre petītiōnēsque meās implēre dignēris per merita Jēsū Chrīstī, Dominī nostrī.  Āmēn. Hail and blessed be the hour and the moment in which the Son of God was born of the most pure Blessed Virgin Mary, at midnight, in Bethlehem, in the piercing cold.  In that hour, vouchsafe, O my God, to hear my prayer and grant my petitiōns, through the merits of Jēsus Chrīst, Our Lord.  Amen.
Older version
(Imprimātur, Michael Augustine Corrigan, Archbishop of New York, Feb. 6, 1897)
Salūtāris beātaque sit hōra tempusque quō Fīlius Deī ē pūrissimā Virgine Marīā, mediā nocte, frīgore mordāci, in Bēthlehem nātus est.  In hōrā illā, mī Deus, precēs meās exaudīre petītiōnēsque meās implēre dignēris per merita Salvātōris nostrī, Jēsū Chrīstī, beātæque ējus Mātris.  Āmēn. Hail and blessed be the hour and the moment in which the Son of God was born of the most pure Virgin Mary, at midnight, in Bethlehem, in the piercing cold.  In that hour vouchsafe, O my God, to hear my prayer and grant my desires, through the merits of Our Savior Jesus Christ, and of His blessed Mother.  Amen.


Corōna Divinæ Misericordiæ
Chaplet of Divine Mercy
The Chaplet of Divine Mercy is taken from the Diary of Bl. Faustina Kowalska, Notebook One, page 197 of the manuscript.  Bl. Faustina Kowalska was born Helen Kowalska on August 25, 1905 in the village of Glogowiec, west of the city of Lodz in Poland.  She was accepted into the convent of the Sisters of Our Lady of Mercy in 1925.  She had many mystical experiences and her spiritual director Father Michael Sopocko instructed her to record her experiences in a diary.  It was in the 1930’s that she had the visions which formed the basis for the devotion to the Divine Mercy, a devotion which she tirelessly promoted until her death on October 5, 1938.
At one time there was a great deal of controversy surrounding Bl. Faustina and the devotion to the Divine Mercy, largely due to misconceptions caused by the numerous spurious translations of her diary.  Given the confusion of the time, Pope John XXIII prudently censured the devotion.  However, a certain Archbishop of Cracow, Karol Wojtyla, the future Pope John Paul II, made sure that proper translations were made and accurate details of Bl Faustina's life and diary were made known.  The confusion eventually parted and the ban on the Divine Mercy was finally lifted by Pope Paul VI on April 15, 1978.  On April 18, 1993 Pope John Paul II beatified Sister Faustina following a miraculous cure worked through her intercession.  For further information see: National Shrine of Divine Mercy
The devotion below is recited on a standard Rosary of five decades.
Pater noster: Our Father:
Pater noster, quī es in cælīs, sānctificētur nōmen tuum.  Adveniat rēgnum tuum.  Fiat voluntās tua, sīcut in cælō et in terrā.  Pānem nostrum quotīdiānum dā nōbīs hodiē.  Et dīmitte nōbīs dēbita nostra, sīcut et nōs dīmittimus dēbitōribus nostrīs.  Et nē nōs indūcās in tentātiōnem, sed līberā nōs ā malō.  Āmēn. OUR Father, who art in heaven, hallowed be Thy name. Thy kingdom come. Thy will be done on earth as it is in heaven. Give us this day our daily bread and forgive us our trespasses as we forgive those who trespass against us. And lead us not into temptation, but deliver us from evil. Amen.
Avē Marīa: Hail Mary:
Avē, Marīa, grātiā plēna;  Dominus tēcum.  Benedicta tū in mulieribus, et benedictus frūctus ventris tuī, Jēsus.  Sāncta Marīa, Māter Deī, ōrā prō nōbīs peccātōribus, nunc et in hōrā mortis nostræ.  Āmēn. HAIL Mary, full of grace, the Lord is with thee. Blessed art thou amongst women and blessed is the fruit of thy womb, Jesus. Holy Mary, Mother of God, pray for us sinners, now, and in the hour of our death. Amen.
Symbolum Apostolōrum: Apostle’s Creed:
Crēdō in Deum, Patrem omnipotentem, Creātōrem cælī et terræ.  Et in Jēsum Chrīstum, Fīlium ējus ūnicum, Dominum nostrum:  quī conceptus est dē Spīritū Sānctō, nātus ex Marīā Virgine, passus sub Pontiō Pīlātō, crucīfīxus, mortuus, et sepultus, dēscendit ad īnferōs:  tertiā diē resurrēxit ā mortuīs;  ascendit ad cælōs;  sedet ad dexteram Deī Patris omnipotentis:  inde ventūrus est jūdicāre vīvōs et mortuōs.  Crēdō in Spīritum Sānctum, sānctam Ecclēsiam catholicam, Sānctōrum commūniōnem, remissiōnem peccātōrum, carnis resurrectiōnem, vītam æternam.  Āmēn. I believe in God, the Father almighty, Creator of heaven and earth;  and in Jesus Christ, His only Son, our Lord, who was conceived by the Holy Ghost, born of the Virgin Mary, suffered under Pontius Pilate, was crucified, died and was buried.  He descended into hell;  the third day he rose again from the dead, ascended into heaven, sits at the right hand of God, the Father almighty, whence he will come to judge the living and the dead.  I believe in the Holy Ghost, the holy Catholic Church, the communion of saints, the forgiveness of sins, the resurrection of the body, and life everlasting.  Amen.
Ad singula grāna in quibus PATER NOSTER dīcitur: On each of the OUR FATHER beads:
Pater æterne, offerō Tibi Corpus et Sanguinem, Animam Dīvīnitātemque dīlēctissimī Fīliī Tuī, Dominī nostrī, Jēsū Chrīstī, in propitiātiōne prō peccātīs nostrīs illīsque tōtīus orbis terrārum. Eternal Father, I offer You the Body and Blood, Soul and Divinity of Your dearly beloved Son, Our Lord Jesus Christ, in atonement for our sins and those of the whole world.
Ad singula grāna in quibus AVĒ MARĪA dīcitur: On each of the HAIL MARY beads:
Prō dolōrōsā Ējus passiōne, miserēre nostrī et tōtīus orbis terrārum. For the sake of His sorrowful Passion, have mercy on us and the whole world.
In conclūsiōne, ter dīcitur: At the conclusion, three times:
Sāncte Deus, Sāncte Fortis, Sāncte Immortālis, miserēre nostrī et tōtīus orbis terrārum. Holy God, Holy Mighty One, Holy Immortal One, have mercy on us and the whole world.

->> >> >>⇈⇑⇈<< << <<-


Deus vult ! — Brennus ( Inscriptiō electronica   :     )
Diēs immutātiōnis recentissimæ   :    die Solis, 2013 Aug 18