ROSĀRIĪ RECITĀTIŌ

O Maria, Regina immaculata, pete, quæso, a Filio tuo ut mitiget, molliat, levetque pœnas doloresque animarum in purgatorio, præsertim illarum, quæ consanguinitate, cognationeve, affinitateve mecum conjunctæ sunt.  In expiatione meorum et earum peccatorum, hoc rosarium persolvo.

Symbolum Apostolorum
    Credo in Deum,
    • Patrem omnipotentem,
    • Creatorem cæli et terræ.
    Et in Jesum Christum,
    • Filium ejus unicum,
    • Dominum nostrum;  qui
      • conceptus est de Spiritu Sancto,
      • natus ex Maria Virgine,
      • passus sub Pontio Pilato,
        crucifixus,
        mortuus,
        et sepultus.
    • Descendit ad inferos;
    • tertia die resurrexit a mortuis;
    • ascendit ad cælos;
    • sedet ad dexteram Dei
      Patris omnipotentis.
    • Inde venturus est judicare
      • vivos
      • et mortuos.
    Credo in
    • Spiritum Sanctum,
    • sanctam Ecclesiam catholicam,
    • Sanctorum communionem,
    • remissionem peccatorum,
    • carnis resurrectionem,
    • vitam æternam.
    Amen
Pater Noster
(Ad grana majora)
Pater noster, qui es in cælis, sanctificetur nomen tuum.  Adveniat regnum tuum.  Fiat voluntas tua, sicut in cælo et in terra.  Panem nostrum quotidianum da nobis hodie.  Et dimitte nobis debita nostra, sicut et nos dimittimus debitoribus nostris.  Et ne nos inducas in tentationem, sed libera nos a malo.  Amen.
Ave Maria
(Ad grana minora)
Ave, Maria, gratia plena;  Dominus tecum.  Benedicta tu in mulieribus, et benedictus fructus ventris tui, Jesus.  Sancta Maria, Mater Dei, ora pro nobis peccatoribus, nunc et in hora mortis nostræ.  Amen.
Gloria Patri
(Ad finem decadum)
Gloria Patri, et Filio, et Spiritui Sancto, sicut erat in principio, et nunc, et semper, et in sæcula sæculorum.  Amen.
Interjectio Rosarii
O mi Jesu, dimitte nobis debita nostra, libera nos ab igne inferni, conduc in cælum omnes animas, præsertim illas, quæ maxime indigent misericordia tua.
Vel
O mi Jesu, remitte nobis peccata nostra, custodi nos ab igne inferi, attrahe omnes animas ad cælum, præcipue illas maxime egentes misericordiæ Tuæ.

MYSTĒRIA ROSĀRIĪ
PRĈFĀTIO:
Ad tria grāna minōra in initiō hæc membra relātīva post nōmen « Jēsus » adduntur:
Quī adaugeat in nōbīs fidem
Quī corrōboret in nōbīs spem
Quī perficiat in nōbīs cāritātem
MYSTĒRIA GAUDIŌSA
(In fēriā secundā [diē Lunæ] et sabbatō [diē Saturnī])
Ad singula minōra grāna quīnārum decadum expande totidem mystēria,
īnserendō post nōmen « Jēsus » membra relātīva sequentia litterīs minusculīs et inclīnātē scrīpta :
1. BEĀTA MARĪA VIRGŌ
AB ANGELŌ SALŪTĀTUR.		 Quem, Virgō, per Spīritum Sānctum concēpistī.
2. BEĀTA MARĪA VIRGŌ
ELISABETHAM VĪSITAT.		 Quem vīsitandō Elīsabēth portāstī.
3. JĒSUS CHRĪSTUS
IN BETHLEHEM NĀSCITUR.		 Quem, Virgō, peperistī.
4. JĒSUS ĪNFĀNS
IN TEMPLŌ PRÆSENTĀTUR.		 Quem in templō præsentāstī.
5. JĒSUS PUER IN TEMPLŌ
INTER DOCTŌRĒS INVENĪTUR.		 Quem in templō invēnistī.
MYSTĒRIA LŪMINŌSA
(In fēriā quīntā [diē Jovis])
Ad singula minōra grāna quīnārum decadum expande totidem mystēria,
īnserendō post nōmen « Jēsus » membra relātīva sequentia litterīs minusculīs et inclīnātē scrīpta :
1. BAPTISMA APUD JORDĀNEM Quī apud Jordānem baptizātus est.
2. AUTOREVĒLĀTIO
APUD NŪPTIĀS CANĒNSĒS		 Quī sē ipsum apud nūptiās Canēnsēs revēlāvit.
3. RĒGNĪ DEĪ PRŌCLĀMĀTIŌ
CONJŪNCTA CUM INVĪTĀMENTŌ
AD CONVERSIŌNEM		 Quī Rēgnum Deī annūntiāvit.
4. TRĀNSFĪGŪRĀTIŌ JĒSŪ CHRĪSTĪ Quī trānsfīgūrātus est.
5. EUCHARISTIĈ ĪNSTITŪTIŌ Quī Eucharistiam īnstituit.
MYSTĒRIA DOLŌRŌSA
(In fēriā tertiā [diē Mārtis] et fēriā sextā [diē Veneris])
Ad singula minōra grāna quīnārum decadum expande totidem mystēria,
īnserendō post nōmen « Jēsus » membra relātīva sequentia litterīs minusculīs et inclīnātē scrīpta :
1. JĒSUS CHRĪSTUS,
IN HORTŌ ŌRĀNS,
SANGUINEM SŪDAT.		 Quī prō nōbīs sanguinem sūdāvit.
2. JĒSUS CHRĪSTUS
AD COLUMNAM
FLAGELLĪS CÆDITUR.		 Quī prō nōbīs flagellātus est.
3. JĒSUS CHRĪSTUS
SPĪNIS CORŌNĀTUR.		 Quī prō nōbīs spīnīs corōnātus est.
4. JĒSUS CHRĪSTUS,
MORTE CONDEMNĀTUS,
CALVĀRIÆ LOCUM,
CRUCEM BĀJULĀNS, PETIT.		 Quī prō nōbīs crucem bājulāvit.
5. JĒSUS CHRĪSTUS,
CRUCĪ AFFĪXUS,
CŌRAM MĀTRE SUĀ
MORITUR.		 Quī prō nōbīs crucifīxus est.
MYSTĒRIA GLŌRIŌSA
(In fēriā quārtā [diē Mercuriī] et Dominicā [diē Sōlis])
Ad singula minōra grāna quīnārum decadum expande totidem mystēria,
īnserendō post nōmen « Jēsus » membra relātīva sequentia litterīs minusculīs et inclīnātē scrīpta :
1. RESURRĒCTIŌ JĒSŪ CHRĪSTĪ. Quī ā mortuīs resurrēxit.
2. ASCĒNSIŌ JĒSŪ CHRĪSTĪ. Quī in cælum ascendit.
3. SPĪRITŪS SĀNCTĪ SUPRĀ
BEĀTAM MARĪAM VIRGINEM
ET DISCIPULŌS DĒSCĒNSUS.		 Quī Spīritum Sānctum mīsit.
4. ASSŪMPTIŌ
BEĀTÆ MARĪÆ VIRGINIS
IN CÆLUM.		 Quī tē in cælum assūmpsit.
5. MUNDĪ RĒGNUM
BEĀTÆ VIRGINĪ MARĪÆ
IN CÆLĪS DĒLĀTUM.		 Quī mundī rēgnum tibi in cælīs dētulit.

Deus, cujus Unigenitus per vitam, mortem et resurrectionem suam nobis salutis præmia comparavit, concede, quæsumus :  ut hæc mysteria, sacratissimo beatæ Mariæ Virginis Rosario recolentes, et imitemur quod continent, et quod promittunt, assequamur.  Per eundem Christum Dominum nostrum.  Amen.

MYSTĒRIA GAUDIŌSA (In fēriīs secundīs [diēbus Lunæ] et fēriīs quīntīs [diēbus Jovis])

  1. Mystērium gaudiōsum prīmum:  beāta Marīa Virgō ab Angelō salūtātur.

  2. Mystērium gaudiōsum secundum:  beāta Marīa Virgō Elisabetham vīsitat.

  3. Mystērium gaudiōsum tertium:  Jēsus Chrīstus in Bethlehem nāscitur.

  4. Mystērium gaudiōsum quārtum:  Jēsus īnfāns in templō præsentātur.

  5. Mystērium gaudiōsum quīntum:  Jēsus puer in templō inter doctōrēs invenītur.

MYSTĒRIA DOLŌRŌSA (In fēriīs tertiīs [diēbus Mārtis] et fēriīs sextīs [diēbus Veneris])

  1. Mystērium dolōrōsum prīmum:  Jēsus Chrīstus, in hortō ōrāns, sanguinem sūdat.

  2. Mystērium dolōrōsum secundum:  Jēsus Chrīstus ad columnam flagellīs cæditur.

  3. Mystērium dolōrōsum tertium:  Jēsus Chrīstus spīnis corōnātur.

  4. Mystērium dolōrōsum quārtum:  Jēsus Chrīstus, morte condemnātus, Calvāriæ locum, crucem bājulāns, petit.

  5. Mystērium dolōrōsum quīntum:  Jēsus Chrīstus, crucī affīxus, cōram Mātre suā moritur.

MYSTĒRIA GLŌRIŌSA (In fēriīs quārtīs [diēbus Mercuriī], sabbatīs [diēbus Saturnī], et Dominicīs [diēbus Sōlis])

  1. Mystērium glōriōsum prīmum:  Resurrēctiō Jēsū Chrīstī.

  2. Mystērium glōriōsum secundum:  Ascēnsiō Jēsū Chrīstī.

  3. Mystērium glōriōsum tertium:  Spīritūs Sānctī suprā beātam Marīam Virginem et discipulōs dēscēnsus.

  4. Mystērium glōriōsum quārtum:  Assūmptiō beātæ Marīæ Virginis in cælum.

  5. Mystērium glōriōsum quīntum:  Mundī rēgnum beātæ Virginī Marīæ in cælīs dēlātum.

Exceptiōnēs:
Dominicæ [diēs Sōlis] Temporis Nātīvitātis Dominī * :
Mystēria Gaudiōsa
Dominicæ [diēs Sōlis] Quadrāgēsimæ ** :
Mystēria Dolōrōsa
* Tempus Nātīvitātis Dominī dēcurrit ā prīmīs Vesperīs Nātīvitātis Dominī ūsque ad Dominicam post Epiphanīam, seu post diem sextam Jānuāriī, inclūsīvē.  (Christmastide runs from Christmas Eve to the Sunday after Epiphany, or after the sixth of January, inclusive.)
** Quadrāgēsimæ :  Lent

Diēs hebdomadæ (Days of the week):
Sōlis
Diēs
(Dominica) 		Lūnæ
Diēs
(Fēria
Secunda) 		Mārtis
Diēs
(Fēria
Tertia) 		Mercuriī
Diēs
(Fēria
Quārta) 		Jovis
Diēs
(Fēria
Quīnta) 		Veneris
Diēs
(Fēria
Sexta) 		Sāturnī
Diēs
(Sabbatum)

->> >> >>⇈⇑⇈<< << <<-

Deus vult ! — Brian Regan ( Inscriptio electronica :   )
Dies immutationis recentissimæ :  die Lunæ, 2019 Maji 6